Dünyaca məşhur model Adriana Lima bir kosmetik firmasının reklamında çəkilmək üçün İstanbula gəlib.
Axşam.az-ın Türkiyə mətbuatına istinadən xəbərinə görə, günəşli havaya aldanan modelin geyimi başına oyun açıb. Üşüməyə başlayan model çəkilişləri yarımçıq saxlayıb. Meydançaya gətirilən isidicilərin qarşısına keçən Lima bir az keçdikdən sonra çəkilişlərə davam edib.
Daha sonra media nümayəndələri ilə görüşən Adriana sualları cavablandırıb, Türkiyə ilə bağlı təəssüratlarını bölüşüb:
"Türkiyə mənim üçün özəl ölkələrdən biridir. İnsanları hər zaman mehriban və qonaqpərvərdilər. Özümü evimə geri qayıdan kimi hiss etdim. Reklamı sizin də bəyənəcəyinizi düşünürəm. Ümid edirəm gələn il yenidən bura gəlib, reklamda yer alaram".
