Başlıq dəyişilib, təfərrüatlar əlavə olunub (ilk xəbər 20:45-də yayılıb)
Azərbaycan, Bakı, 2 yanvar /Trend, müxbir Zülfiyyə Qurbanova/
Cümə günü 28 Mall ticarət mərkəzində yanğın baş verib.
Hadisə yerinə 5 yanğın maşını gəlib.
Trend müxbirinə ticarət mərkəzinin işçisinin verdiyi məlumata əsasən, yanğın binanın tavanında baş tutub, və hal-hazırda Fövqəladə Hallar Nazirliyinin əməkdaşları yanğını söndürməyə çalışırlar.
Hadisə yerində təcili tibbi yardım maşını var.
Yanğınsöndürənlərin verdiyi məlumata əsasən, yanğın 4-cü mərtəbədə yerləşən restoranların birində, tüstü bacasında baş verib.
Xəsarət alan yoxdur.
Məqalə müəllifi ilə əlaqə ünvanı: agency@trend.az