Bakı, 23 fevral, AzərTAc
Zaqatala şəhərində mənzildə bağlı qapı arxasında köməksiz qalmış iki azyaşlı uşaq xilas edilib.
AzərTAc xəbər verir ki, Fövqəladə Hallar Nazirliyinin Zaqatala RDYMH qaynar telefon xəttinə daxil olmuş məlumata əsasən Zaqatala şəhərində mənzildə iki azyaşlı bağlı qapı arxasında köməksiz vəziyyətdə qalıb. Hadisə yerinə cəlb edilmiş xilasedicilər mənzilin giriş qapısını açaraq azyaşlıları aidiyyəti üzrə təhvil veriblər. Əməliyyat saat 00:10-da başa çatıb.
