"Oskar" mərasimi: ilin ən yaxşı filmi seçildi

"Oskar" mərasimi: ilin ən yaxşı filmi seçildi
09:22 23 Fevral 2015
Ölkə mətbuatı
A- A+

ABŞ-ın Los-Anceles şəhərində ABŞ Kinematoqrafiya Sənəti Akademiyasının "Oskar" mükafatlarının təqdimat mərasimi keçirilir.
 
Milli.Az ABC-yə istinadən bildirir ki, "Xarici dildə ən yaxşı film" nominasiyasında polyak rejissor Pavel Pavlikovskinin "İda" filmi qalib gəlib.
ABŞ xüsusi xidmət orqanlarının sabiq əməkdaşı Edvard Snouden barədə "Citizenfour" filmi isə "Ən yaxşı sənədli film" nominasiyasının qalibi olub.
87-ci "Oskar" mərasimində "Ən yaxşı rejissor işi" nominasiyasının qalibi "Berdmen" filminə görə Alehandro Qonsales İnyaritta olub.
 
Culiana Mur "Ən yaxşı qadın rolu", Eddi Redmeyn "Ən yaxşı kişi rolu", "Qəhrəmanlar şəhəri" filmi "Ən yaxşı tammetrajlı animasiya filmi", "İnterstellar" - "Ən yaxşı vizual effektlər", "Otel Qrand Budapeşt" - "Ən yaxşı qrim və saç düzümü", "Ən yaxşı kostyum dizaynı", "Ən yaxşı quruluşçu rəssam işi" nominasiyalarında, "Amerikalı snayper" - "Ən yaxşı səs montajı", "Menyu" -"Ən yaxşı qısametrajlı animasiya filmi", "Çılğınlar" - "Ən yaxşı səs" və "Ən yaxşı montaj", "Berdmen" - "Ən yaxşı operator işi" nominasiyalarında bütün rəqibləri üstələyiblər.
 
"Arxa planda ən yaxşı kişi rolu"na görə "Oskar"ı Conatan Kimbl Simmons ("Çılğınlıq"), "Arxa planda ən yaxşı qadın rolu" nominasiyasında "Oskar"ı isə Patrisiya Arkett ("Yeniyetməlik") alıblar.
 
"Ən yaxşı bəstəkar" nominasiyasında fransız Aleksandr Depla ("Otel Qrand Budapeşt") qalib gəlib.
 
Ən önəmli "Oskar" - "İlin ən yaxşf filmi" mükafatı isə "Berdmen"ə verilib.
 
Milli.Az
 


Xəbərin orijinal ünvanı: http://news.milli.az/culture/326061.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR