Bakı, 23 fevral, AzərTAc
Salyan rayonunun ərazisində ağır yol-nəqliyyat hadisəsi baş verib.
Fövqəladə Hallar Nazirliyindən AzərTAc-a bildiriblər ki, “MAZ” markalı yük avtomobili ilə “VAZ” markalı minik avtomobili toqquşub. Hadisə nəticəsində minik avtomobilinin sürücüsü və dörd sərnişin həlak olub. Cəsədlər xilasedicilər tərəfindən deformasiyaya uğramış avtomobildən çıxarılıb.
Hadisə ilə bağlı müvafiq qurumlar tərəfindən araşdırma aparılır.