Tovuz, 23 fevral, Famil Quliyev, AzərTAc
Tovuz rayonunun Əyyublu kəndində yeni çörəkbişirmə müəssisəsi istifadəyə verilib.
Sahibkar Vadim Məmmədov AzərTAc-a bildirib ki, Əyyublu kəndi həmişə öz bişirdiyi çörəklərlə məşhur olub. Hələ 20 il bundan əvvələdək kənddə kürədə bişirilən çörəklərin şöhrəti Bakı şəhərinə gedib çıxmışdı. Sonradan müəyyən səbəblərə görə gündə 2-3 tonadək çörək bişirən müəssisə bağlandı, əhali kənardan çörək almağa məcbur oldu. Yeni istifadəyə verilən müəssisə isə bu problemi aradan qaldıracaq. Belə ki, müəssisə yeni texnologiyalar əsasında, müasir avadanlıqlarla təchiz olunub. Burada bişirilən çörəklərdən təkcə Əyyublu camaatı deyil, qonşu kəndlərin əhalisi də istifadə edir.
