Beynəlxalq "Formula-1" avtoçempionatındakı "McLaren-Honda" komandasının əsas pilotu Fernando Alonso İspaniyanın Barselona şəhərindəki "Circuit de Catalunya" avtodromundakı test yürüşündə ağır qəzaya uğrayıb.
O, bolidin idarəetməsinin öhdəsindən gələ bilməyib və 240 km/saat sürətlə hərəkət edən bolid trasın kənarındakı səddə dəyib.
Milli.Az Sport.es-ə istinadən bildirir ki, hospitala aparılmış Fernando Alonsonun vəziyyəti kritikdir.
İkiqat dünya çempionu, 33 yaşlı Alonso ötən mövsümün sonunda "Ferrari" komandasını tərk edərək "McLaren"ə keçmişdi.
"McLaren-Honda" komandasının mətbuat meneceri Kristian Boylerin dediyinə görə, F.Alonsonun vəziyyəti səhər saatlarından etibarən yaxşılaşmağa başlayıb.
Milli.Az
