Bakı, 23 fevral, AzərTAc
Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Dövlət Gömrük Komitəsinin sədri, gömrük xidməti general-leytenantı Aydın Əliyev fevralın 27-də saat 11-də İmişli şəhərindəki Heydər Əliyev Mərkəzində (20 Yanvar küçəsi) vətəndaşları qəbul edəcək.
Komitədən AzərTAc-a bildiriblər ki, qəbul zamanı İmişli, Beyləqan, Füzuli, Ağcabədi rayonlarının sakinlərinin gömrük məsələləri ilə bağlı müraciətləri dinləniləcək.
Qəbulda iştirak etmək istəyən vətəndaşlar yanvarın 26-sı saat 11-dək “192” Çağrı Mərkəzi, Dövlət Gömrük Komitəsi (əlaqələndirici şəxs Səbinə Məmmədova, əlaqə telefonu: (012) 404-22-00), Xudafərin Gömrük İdarəsi (əlaqə telefonu: (021) 222-24-84) ilə əlaqə saxlaya bilərlər.
