Bakı, 23 fevral, AzərTAc
Bakının Pirallahı rayonunda əhalinin çörəyə olan tələbatı nəzərə alınaraq Dövlət Proqramına əsasən inşa olunan çörək kombinatının tikintisi artıq başa çatdırılıb.
Rayon icra hakimiyyətindən AzərTAc-a bildirilib ki, kombinat istismara hazır vəziyyətdədir.
“Çörək və un məmulatları kombinatı” 30 min əhalini çörəklə təmin etməyə imkan verəcək. Xəmirin yoğrulmasından çörəyin bişirilməsinədək bütün proseslərin tam avtomatlaşdırıldığı müəssisədə 30 nəfər işlə təmin olunacaq.
