Bakı. Könül Kamilqızı – APA. Bu gün maqnitudası 4 baldan yuxarı olan zəlzələnin baş verdiyi Şəmkir zonasında elə də aktivlik yoxdur.
Respublika Seysmoloji Xidmət Mərkəzinin APA-ya açıqlamasında deyib ki, zəlzələ episentrdə 4 bal, yaxın yaşayış məntəqələrində 3-2 bala qədər hiss olunub. Onun sözlərinə görə, bundan sonra həmin ərazidə zəif təkanlar -“afterşok”lar ola bilər.
Son günlər Xəzər dənizində də zəlzələlərin baş verməsinə münasibət bildirən Q.Yetirmişli bildirib ki, həmin ərazidə hər hansı bir təhlükə yoxdur: “Bu zəlzələlər Xəzərdəki aktiv ocaqlarda qeydə alınıb və dəfələrlə həmin yerlərdə yeraltı təkanlar baş verib. Xəzər dənizində aktiv ocaqlar olduğu üçün həmin ərazidə bundan sonra da növbəti zəlzələlər baş verə bilər”.