Bakı, 23 fevral, AzərTAc
Sudan Respublikasının ölkəmizdəki səfirliyinin səlahiyyətli nümayəndəsi Muhammed Elballa Osman Azərbaycan Turizm və Menecment Universitetində (ATMU) olub.
Universitetdən AzərTAc-a bildirilib ki, görüşdə ATMU-nun rektoru, professor Cəfər Cəfərov qonağa rəhbərlik etdiyi ali təhsil ocağının fəaliyyəti, beynəlxalq əlaqələri, perspektiv planları barədə geniş məlumat verib.
Görüşdə hər iki ölkədə turizmin müasir vəziyyəti və inkişaf istiqamətləri, ATMU ilə Sudan Respublikasının müvafiq ali təhsil ocaqları arasında qarşılıqlı əməkdaşlıq məsələləri də müzakirə edilib.