Binəqədi rayonunda Laçın rayonuna həsr olunmuş “Laçın nağılı” adlı təqdimat keçirildi - FOTO

Binəqədi rayonunda Laçın rayonuna həsr olunmuş “Laçın nağılı” adlı təqdimat keçirildi - FOTO
17:52 18 May 2016
57 Ölkə
Ölkə mətbuatı
A- A+

Mayın 18-də Binəqədi rayon İcra Hakimiyyəti, Yeni Azərbaycan Partiyası Binəqədi rayon Təşkilatı və Binəqədi rayon Gənclər və İdman İdarəsinin birgə təşəbbüsü, 179 və 182 saylı orta məktəblərin birgə təşkilatçılığı ilə "Qarabağ həftəsi" layihəsi çərçivəsində Laçın rayonuna həsr olunmuş "Laçın nağılı" adlı təqdimat keçirildi. Təqdimatda münsiflər heyətinin üzvləri, YAP Binəqədi rayon Təşkilatının aparat rəhbəri Sevinc Abdullayeva, Binəqədi rayon İcra Hakimiyyətinin əməkdaşı Rəvanə Əliyeva, Binəqədi qəsəbə Bələdiyyəsinin sədri Aytac Əliyeva, Binəqədi rayon Gənclər və İdman İdarəsinin rəis müavini Sevinc Süleymanova, məktəblərin müəllim və şagird kollektivi iştirak etdilər.

Tədbir Azərbaycan Respublikasının Dövlət Himninin səsləndirilməsi ilə başladı.

Milli.Az bildirir ki, tədbiri giriş sözü ilə açan Kəmalə Şıxlinskaya bütün qonaqları salamlayaraq, orta məktəb şagirdləri arasında təşkil edilmiş bu layihənin vətənpərvərliyin tərənnüm etdirilməsi baxımından böyük əhəmiyyət daşıdığını söylədi. Daha sonra Azərbaycanın ərazi bütövlüyü və dövlət müstəqilliyi uğrunda canından keçmiş şəhidlərimizin əziz xatirəsi bir dəqiqəlik sükutla yad edildi.

Təqdimat hər iki məktəbin istedadlı şagirdlərinin ifasında müxtəlif səhnəciklərin nümayişi, şeirlər, rəqslər və mahnıların ifa edilməsi ilə davam etdirildi. İlk öncə "Şəhrizad" və "Dünya Qarı" tərəfindən Laçın rayonunun xoşbəxt günləri tamaşalarla təqdim edildi. Qədim, orta əsr dövrlərini, 1918 və 1992-ci illəri əhatə edən səhnəciklərdə Laçın rayonunun qədim dövrlərdən müasir dövrə qədər mədəniyyəti, milli-mənəvi dəyərləri, mətbəxi nümayiş edildi. Laçınlı şair Seyyid Həmzə Mir Nigar, Sarı Aşıq və Yaxşı obrazları, xanəndələrin ifası, milli rəqslər, həmçinin, Xosrov bəy və Sultan bəy Sultanov qardaşlarının şücaəti peşəkarlıqla canlandırıldı.

Təqdimat qələbə əzmi ilə başa çatdı. Şuşadan ucalan azan səsi ilə bütün insanlar Qarabağa - Vətənə səsləndi.

Sonda, münsiflər heyətinə məktəblər tərəfindən hazırlanmış fotostendlər nümayiş olundu. Stendlər Laçın rayonu haqqında və şəhidlərimiz barədə zəngin məlumatları əhatə edirdi.
Yekun nitq söyləyən YAP Binəqədi rayon Təşkilatının aparat rəhbəri Sevinc Abdullayeva layihənin əhəmiyyətindən danışaraq bildirdi ki, "Qarabağ həftəsi" adlı layihə may ayının 27-nə qədər davam edəcək və işğal altında olan bütün rayonlarımızın təqdimatları təşkil ediləcəkdir.





Xəbərin orijinal ünvanı: http://news.milli.az/country/435429.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR