At ana və balanı xəstəxanalıq etdi

Ötən gün saat 19:30 radələrində Şəki ərazisində yol qəza hadisəsi baş verib. Qəza nəticəsidə bir ailənin iki üzvü xəsarət alıb.
 

Milli.Az Kanal S-ə istinadən xəbər verir ki, hadisə Şəkinin Biləcik kəndi ərazisində qeydə alınıb. Qəza zamanı Şəki sakini Eminov Etibar Məmməd oğlu idarə etdiyi 55-BN-336 dövlət nömrə nişanlı "VAZ-2106" markalı avtomobillə şəhər istiqamətində hərəkətdə olarkən sahibsiz atla toqquşub.
Nəticədə avtomobildə olan sərnişinlər Bakı sakinləri Eminova Sevinc Yusif qızı və onun oğlu, 2002-ci il təvəllüdlü Eminov Mürsəl Əzim oğlu müxtəlif dərəcəli bədən xəsarətləri alıb. Xəsarət alanlar dərhal Şəki rayon Mərkəzi Xəstəxanasına çatdırılıblar.