Mədəniyyət və Turizm Nazirliyinin dəstəyi ilə fevralın 28-də Heydər Əliyev Sarayında caz musiqisinin əfsanəsi, amerikalı caz müğənnisi və dirijoru, on dəfə “Qremmi” mükafatı laureatı Bobby McFerrinin və qrupunun konserti olacaq.
Heydər Əliyev Sarayının mətbuat xidmətindən AzərTAc-a bildirilib ki, konsertin biletləri artıq satışa çıxarılıb və şəhərin kassalarından əldə etmək mümkündür.
Musiqiçinin birinci albomu 1982-ci ildə çıxıb. 1984-cü ildə isə heç bir musiqi aləti olmadan yazılan “The Voice” adlı ilk caz albomu işıq üzü görüb. Bobby McFerrin 1988-ci ildə ifa etdiyi və iki nominasiya üzrə “Qremmi” mükafatına layiq görülmüş “Don't Worry, Be Happy” mahnısı ilə dünya şöhrəti qazanıb.
Milli.Az
