Hindistan-Pakistan sərhədində baş vermiş artilleriya atışması nəticəsində 4 nəfər həlak olub, 8 nəfər yaralanıb.
APA-nın “Gazeta.ru”-ya istinadən verdiyi xəbərə görə, insident Cammu və Kəşmir ştatındakı nəzarət zolağında baş verib.
Tərəflər atəşkəsin pozulmasında bir-birilərini ittiham edirlər.
Qeyd edək ki, son zamanlar mübahisəli Kəşmir ştatı və Hindistan-Pakistan sərhədində toqquşmaların sayı artmaqdadır.
