Azərbaycan millisi Valentin Qranatkinin xatirəsinə həsr olunan turnirdə yubiley qələbəsini qazanıb. Milli.Az apasport.az-a istinadən xəbər verir ki, bu gün Yaponiya yığmasını 1:0 hesabı ilə məğlub edən komandamız turnirdə özünün 5-ci uğruna nail olub.
2009-cu ildən ardıcıl 7-ci dəfə yarışa qatılan komandamız bunadək 26 görüşdə 4 qələbə qazanıb, 12 heç-heçə edib və 10 dəfə uduzmuşdu. 27-ci qarşılaşma isə 5-ci qələbə ilə nəticələnib.
2009-cu ildə 2, 2012 və 2013-cü illərdə 1 qələbəsi olan yığmamız 2010, 2011 və 2014-cü illərdə qalib gələ bilməmişdi. Düzdür, oyunsonrası penaltilərlə qələbələr əldə edilmişdi. Amma oyunda qələbə qeydə alınmamışdı. Son uğurumuz isə 728 gün əvvələ təsadüf etmişdi.
Yığmamızın Valentin Qranatkinin xatirəsinə həsr olunan turnirdəki qələbələri
09.01.2009 Çili 1:0
11.01.2009 Latviya 2:0
05.01.2012 Sankt-Peterburq 2:1
05.01.2013 Litva 3:2
03.01.2015 Yaponiya 1:0
Milli.Az
