Syerra Leonedən qayıdandan sonra Ebola xəstəliyinə yoluxan britaniyalı tibb bacısının vəziyyəti ağırdır. ANS PRESS-in məlumatına görə, bu barədə onu müalicə edən London xəstəxanası bildirib.
Royal Free Hospital "təəssüflə bəyan edir ki, Paulin Kafferkinin vəziyyəti son iki gün ərzində tədricən pisləşib".
Paulin Kafferki eksperimental anti-virus dərmanı qəbul edib və ona xəstəlikdən sağalan adamların qanı verilib.
Xatırladaq ki, o, dekabrda, "Save the Children" xeyriyyəçi təşkilatla könüllü olaraq Syerra Leoneyə gedəndən sonra xəstələnib.