"Azərbaycanlılar qol vurmağa imkan vermədilər"

"Azərbaycanlılar qol vurmağa imkan vermədilər"
09:27 4 Yanvar 2015
182 İdman
Ölkə mətbuatı
A- A+

Yapon məşqçi oyunun çətin keçdiyini söyləyib
FIFA-nın I vitse-prezidenti Valentin Qranatkinin xatirəsinə həsr olunmuş XXVII ənənəvi beynəlxalq turnirdə ötən gün keçirilmiş Yaponiya - Azərbaycan oyunundan sonra hər iki komandanın baş məşqçiləri öz fikirlərini bölüşüblər.

Anspress-in məlumatına görə, minimal hesabla Azərbaycan yığmasının qalib gəldiyi oyundan sonra mətbuata açıqlama verən yapon məşqçi oyunun çətin keçdiyini söyləyib.

“Bu turnirdə Azərbaycan yığması ilə ötən il də qarşılaşmışdıq. Bu dəfə bizi, sözün əsl mənasında, heyrətləndirdilər. Azərbaycan yığması əla təsir bağışladı. Sona kimi bizə qol vurmağa imkan vermədilər. Nəticənin sensasiya olması haqda heç nə deyə bilmərəm. Futbolda hər bir nəticə mümkündür”, - Yaponiya yığmasının baş məşqçisi Atsuşi Uçiyama bildirib.

Azərbaycan yığmasının baş məşqçisi Nikolay Adam Yaponiya yığması kimi güclü rəqibə qalib gəldiyimiz üçün çox sevindiyini qeyd edib: "Sona qədər mübarizə apardıq. Qələbəmizin sensasiya olması fikri ilə razıyam”.

Milli.Az

RƏYLƏR

BU KATEQORİYADAN DİGƏR XƏBƏRLƏR