Pakistanın şimal-qərbində mədən faciəsi baş verib."12 mədən işçisinin cəsədi çıxarılıb, xilasetmə işləri davam edir"
Anspress-in məlumatına görə, Pakistanın şimal-qərbində yerləşən Momand bölgəsindəki mərmər mədənlərindən birində uçqun olub. Nəticədə, içəridə işləyən fəhlələrdən 12 nəfərin öldüyü bildirilir.
“Axşam saatlarında baş verən qəzada torpaq altında qalan 12 mədən işçisinin cəsədi çıxarılıb”, - deyə Momand yerli idarəsindən verilən açıqlamada deyilib.
Qeyd edək ki, ötən gün axşam saatlarında baş verən uçqunun altında daha 8 nəfərin qaldığı deyilir və onların xilasedilməsi, çıxarılması işləri davam etdirilir.
Milli.Az
