İŞİD terror qruplaşması İraqın şimalındakı Kərkük şəhərində 162 əsiri azad edib.Kərkük sakinləri İŞİD-in bayrağını yandırandan sonra əsir düşmüşdülər
Anspress-in məlumatına görə, azad edilən əsirlər İraqın əl-Şajara və Qərib kəndlərinin sakinləridirlər. Ümumilikdə 170 nəfər əsir götürülsə də, onlardan 162 nəfər azad edilib.
İŞİD-in əlində qalan əsirlərin taleyi haqqında isə heç bir məlumat yoxdur.
Xatırladaq ki, bir neçə gün əvvəl İraqda İŞİD-in 2 bayrağı yandırıldığına görə əl-Şajara və Qərib kəndlərində 170 nəfər əsir götürülmüşdü. İŞİD terrorçuları tutulan adamların bayrağın yandırılmasına aidiyyəti olub-olmadığını araşdıracaqlarını bildirmişdilər. Bəzi şahidlərin sözlərinə görə, terrorçu qruplaşma Qərib kəndində bayrağı yandıran 15 nəfəri axtarırdı.
Milli.Az
