"Real”ın hücumçusu Kriştianu Ronaldunun meneceri Jorje Mendeş portuqaliyalı futbolçunun Madird təmsilçisindən ayırlacağı ilə bağlı yayılan xəbərlərə münasibət bildirib.
Milli.Az apasport.az-a istinadən bildirir ki, o, təcrübəli forvardın “Kral klubu”nu PSJ-yə dəyişməyəcəyini deyib.
Mendeş vurğulayıb ki, Ronaldu karyerasını “Real”da başa vuracaq: “Kriştianu Ronaldu PSJ-də? Bu, mümkün deyil. O, karyerasını “Real”da bitirəcək. Ronaldo bütün vaxtların ən yaxşı oyunçusudu”.
Xatırladaq ki, Ronaldu 2009-cu ildən “Real”da çıxış edir. Porutaqliyalı futbolçunun madridlilərlə 2018-ci ilə qədər müqaviləsi var.
Milli.Az