Bakı. Rəşad Süleymanov – APA. Bu il MDB çərçivəsində iştirakçı ölkələrin hərbçilərinin iştirakı ilə bir neçə geniş miqyaslı tədbir keçiriləcək. APA-nın məlumatına görə, bunu Rusiya Müdafiə Nazirliyinin rəsmi orqanı olan «Krasnaya Zvezda» qəzetinə müsahibəsində MDB Müdafiə Nazirləri Şurasının katibi Aleksandr Sinayski bildirib.
A. Sinayski deyib ki, bu il sahil ölkələrinin hərbi gəmilərinin ekipajlarının iştirakı ilə «Xəzər dənizi - 2015» biatlonunun, avqust ayında Azərbaycan, Ermənistan, Belarus, Rusiya, Qazaxıstan, Tacikistan, hətta MDB-yə üzv olmayan Serbiyadan və digər ölkələrdən xüsusi təyinatlıların və paraşüt-desant bölmələrinin iştirakı ilə «Beynəlxalq ordu oyunları - 2015» beynəlxalq hərbi oyunları keçiriləcək.