"Terror qruplaşmalarının içərisində bizim yaxşı casus şəbəkəmiz var. Bu, bizi maraqlandıran qruplaşmaların hərəkətini izləməyə imkan verir. Bunun sayəsində biz silahı zarafatla olsa belə, Rusiya tərəfə yönəldən hər kəsi vaxtında o biri dünyaya əbədi ezamiyyətə göndərə bilərik".
ANS PRESS-in məlumatına görə, bu sözləri jurnalistlərə müsahibəsində Çeçenistan Respublikasının rəhbəri Ramzan Kadırov deyib.
"İŞİD-in Rusiya üçün heç bir təhlükəsi yoxdur. Biz boş yerə özümüzü İŞİD-lərlə qorxuduruq", - deyə Kadırov əlavə edib.
O həmçinin bildirib ki, Rusiya və bütün dünya üçün əsl təhlükə əslində ABŞ və qərb ölkələrinin yaxın şərq regionunu terroristlərin hazırlanması üçün nəhəng meydana çevirməsidir.