[ 05 Yanvar 2015 12:42 ]
Bakı - APA. “Ukrayna ətrafındakı vəziyyətdə tərəqqi əldə olunarsa, Qərbin Rusiyaya qarşı sanksiyaları aradan qaldırıla bilər”.
APA-nın “RİA Novosti”yə istinadən xəbərinə görə, bunu Fransa prezidenti Fransua Olland “France Inter” radiostansiyasının canlı efirində bildirib.
Onun sözlərinə görə, Rusiyadakı böhran Avropa üçün yaxşı deyil: “Düşünürəm ki, Rusiyaya qarşı sanksiyalar dayandırılmalıdır. Danışıqlarda tərəqqi əldə olunarsa, Qərbin Rusiyaya qarşı sanksiyaları aradan qaldırıla bilər. Tərəqqi olmasa, sanksiyalar da qalacaq”.
