Gəncə-Daşkəsən avtomobil yolunda iki avtomobil toqquşub, xəsarət alan var.
APA-nın qərb bürosunun məlumatına görə, yolun Göygöl rayonu ərazisindən keçən hissəsində “KamAZ” markalı yük maşını “VAZ 21099” markalı minik avtomobili ilə toqquşub.
Qəza zamanı “VAZ”-ın sürücüsü 1962-ci il təvəllüdlü Əziz Quliyev müxtəlif bədən xəsarətləri alaraq Gəncə şəhər Təcili Tibbi Yardım Xəstəxanasına yerləşdirilib.
Faktla bağlı hüquq-mühafizə orqanları tərəfindən araşdırma aparılır.
