"Zati-müqəddəsləri, hörmətli Roma Papası Fransisk həzrətləri! Hörmətli qonaqlar, xanımlar və cənablar! İlk növbədə, Zati-müqəddəsləri, Sizi Azərbaycanda səmimiyyətlə salamlayıram! Sizə və nümayəndə heyətinizə xoş gəlmisiniz deyirəm!"
Trend-in məlumatına görə, bunu Azərbaycan Prezidenti İlham Əliyev bu gün Heydər Əliyev Mərkəzində Roma Papası Fransiskin hökumət nümayəndələri, ictimaiyyət və diplomatik korpus ilə görüşündə çıxışında deyib.
Dövlət başçısı deyib: "Keçən il Vatikanda görüşərkən mən sizi Azərbaycana dəvət etdim və çox şadam ki, Siz dəvəti qəvul edib bu gün ölkəmizə səfər edirsiniz. Bu səfərin çox böyük mənası var. Bu, tarixi bir səfərdir".
Milli.Az