Rusiyada sərnişin avtobusunun qəzaya uğraması nəticəsində 5 nəfər xəsarət alıb.
Milli.Az APA-ya istinadən bildirir ki, hadisə Başqırdıstan Respublikasında, Ufa-Orenburq avtomagistralında qeydə alınıb.
Naməlum səbəbdən avtobus idarəetmədən çıxaraq yoldan sapıb və aşıb. Qəza nəticəsində yaralanan 5 nəfər xəstəxanaya çatdırılıb. Onlardan 2-nin ağır, 3-nün isə yüngül xəsarət aldığı bildirilir. Qəza zamanı avtobusda 12 sərnişin olub.
Hadisənin səbəbləri müəyyənləşdirilir.
Milli.Az
