Bu gün səhər saatlarında bir neçə istiqamətdən Bakı şəhərinin mərkəzinə doğru istiqamətdə nəqliyyat vasitələrinin hərəkətində sıxlıq müşahidə edilir.
Nəqliyyatı İntellektual İdarəetmə Mərkəzindən (NİİM) Publika.az-a verilən məlumata görə, hazırda Ziya Bünyadov küçəsi (hər iki istiqamətdə), Heydər Əliyev prospekti, Babək prospekti, həmçinin Niyazi küçəsi ("İçərişəhər" metro stansiyası istiqamətində), Binəqədi şosesi (mərkəzə doğru), Bakı-Sumqayıt şosesində (paytaxta doğru) nəqliyyatın hərəkətində sıxlıq yaranıb.
Bundan başqa, analoji vəziyyət Tbilisi prospekti, Səməd Vurğun küçəsi (Müasir Təhsil Kompleksinin qarşısı), "Azneft" dairəsi və Rəşid Behbudov küçəsində müşahidə olunur.