Topaz Premyer Liqasının I dövrəsində 9 baş hakim oyunlara təyinat alıb. Fanat.Az xəbər verir ki, onlar 28 qarşılaşmanı idarə edib.
Ən çox oyun idarə edən hakimlər FIFA referiləri - Əliyar Ağayevlə Rəhim Həsənovdu. Hər iki referi 5 matçda söz sahibi olub. Sabiq FIFA referisi Fariz Yusiof 4 dəfə meydana baş hakim kimi çıxıb.
Rəhim Həsənov I dövrənin ən qəddar hakimi olub. O, 5 matçda 22 vərəqə göstərib ki, bunlardan da ikisi "qırmızı" olub. Maraqlıdı ki, bu iki qırmızı vərəqədən başqa I dövrədə meydandan qovulan olmayıb. Özü də Həsənov hər iki "qırmızı"dan eyni matçda - I turun AZAL - "Neftçi" görüşündə istifadə edib. O, meydan sahiblərindən Ruslan Nəsirlini, qonaqlardan Filyo Rodrigesi meydandanqovub.
Hakimlər 7 turda 5 penalti təyin edib və onlardan 4-ü dəqiq olub. "İnter", "Kəpəz", "Neftçi" və "Zirə" ələ düşən şansı lazımınca dəyərləndirib, “Qəbələ” isə 11 metrlik cərimə zərbəsini boşa verib.
Penaltilərdən 3-ü “İnter”in, 2-si AZAL-ın qapısına təyin olunub. Qalan 6 komanda 11 metrlik cərimə zərbəsi ilə cəzalanmayıb. "İnter"in qapısına təyin edilən panaltini “Qəbələ”li Nika Kvekveskiri boşa verib.
№ |
Hakim |
Oyun |
Sarı (qırmızı) |
Penalti |
1 |
Rəhim Həsənov |
5 |
22 (2) |
0 |
2 |
Əliyar Ağayev |
5 |
14 |
1 |
3 |
Fariz Yusifov |
4 |
14 |
2 |
4 |
Rauf Cabbarov |
3 |
13 |
1 |
5 |
Ömər Paşayev |
2 |
15 |
1 |
6 |
Ramil Diniyev |
3 |
10 |
0 |
7 |
İnqilab Məmmədov |
2 |
10 |
0 |
8 |
Orxan Məmmədov |
2 |
6 |
0 |
9 |
Rəvan Həmzəzadə |
2 |
4 |
0 |
28 oyunda ümumilikdə şakimlər 108 vərəqə göstərib və bunun cəmi 2-si "qırmızı" olub. Ən intizamsız komanda "İnter" olub. "Bankirlər" 7 oyunda 25 sarı vərəqə alıb. AZAL-a 16 sarı və 1 sarı vərəqə göstərilib.
№ |
Klub |
Sarı (qırmızı) |
1 |
İnter |
25 |
2 |
AZAL |
16 (1) |
3 |
Qəbələ |
15 |
4 |
Zirə |
15 |
5 |
Sumqayıt |
15 |
6 |
Neftçi |
7 (1) |
7 |
Qarabağ |
7 |
8 |
Sumqayıt |
7 |
Ən çox sarı vərəqə alan futbolçu “Kəpəz”dən Serjinyo olub. 4 dəfə cəzalanan futbolçu VI turda cəzalı duruma düşüb və VII turda oynamayıb. Daha 6 futbolçu Fuad Bayramov, Səlahət Ağayev, Zurab Xizanişvili (hamısı “İnter”), Təmkin Xəlilzadə, Vüqar Mustafayev (hər ikisi “Zirə”) və Ürfan Abbasov (“Qəbələ”) 3 dəfə xəbərdarlıq alıb. Növbəti sarı vərəqə onların cəzalı duruma düşməsi ilə nəticələnəcək.
“Sumqayıt” - “Qarabağ” və “Qarabağ” - “Neftçi” mövsümün ən intizamlı oyunları olub. Belə ki, bu oyunlarda hakimlər vərəqəyə ehtiyac duymayıb. Birinci matçı Rəvan Həmzəzadə, ikincini Əliyar Ağayev idarə edib.
Mövsümün ən intizamsız oyunu isə “İnter” - “Kəpəz” matçıdı. Bu görüşdə baş hakim Ömər Paşayev 10 sarı vərəqə göstərib.
Fanat.Az