Gürcüstan baş naziri: "Deputatın avtomobilinin partladılması seçkilər öncəsi təxribatdır"

Gürcüstan baş naziri: "Deputatın avtomobilinin partladılması seçkilər öncəsi təxribatdır"
09:52 5 Oktyabr 2016
29 Dünya
Ölkə mətbuatı
A- A+

Bakı. 5 oktyabr. REPORT.AZ/ "Vahid Milli Hərəkat müxalifət partiyasının deputatı Givi Tarqamadzenin olduğu avtomobilin Tbilisinin mərkəzində partladılması Gürcüstanın düşmənləri tərəfindən edilən təxribatdır. Onlar oktyabrın 8-də keçiriləcək parlament seçkiləri öncəsi ölkədə çaxnaşma yaratmaq üçün bu addımı atıb".
"Report" xəbər verir ki, bunu Gürcüstan baş naziri Giorgi Kvirikaşvili deyib.
"Artıq istintaq başlanılıb və günahkarların saxlanılması üçün bütün zəruri tədbirləri həyata keçirilir. Bu ağır cinayət yalnız ölkəmizdə azad və dinc seçki mühitiylə razılaşmayan qüvvələrin marağında ola bilər", - deyə G.Kvirikaşvili bildirib.
Qeyd edək ki, müxalifətçi deputatın olduğu avtomobilin partladılması nəticəsində dörd nəfər xəsarət alıb.
Daxili İşlər Nazirliyi hadisəni araşdırır.
G.Tarqamadzenin özü ciddi xəsarət almayıb. Deputatın sözlərinə görə, partlayış o ofisdən evə qayıdarkən baş verib və sükan arxasında sürücüsü olub.
Onu da əlavə edək ki, Gürcüstanda oktyabrın 8-də keçiriləcək parlament seçkilərində iki əsas rəqib olacaq - indiki hakim "Gürcü arzusu" partiyası və G.Tarqamadzenin də sıralarına daxil olduğu "Vahid Milli Hərəkat müxalifət partiyası.

Xəbərin orijinal ünvanı: http://report.az/region/gurcustan-bas-naziri-deputatin-avtomobilinin-partladilmasi-seckiler-evveli-texribatdir

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR