Dünya daha bir qeyri-adi uşağın doğulmasına şahidlik edib.
Publika.az xəbər verir ki, Hindistanın Racastan əyalətinin Ajmer şəhərində bazar günü ikibaşlı oğlan uşağı dünyaya gəlib. Adı açıqlanmayan 20 yaşında ananın ilk uşağı olan ikibaşlı körpə 2.5 kq çəkidə olub.
Uşaq həkimi, professor Jaiprakash Narayanın dediyinə görə, ana hamilə zamanı heç bir müayinədən keçməyib. Doğuş rahat keçsə də, uşağın ağ ciyərlərində problem aşkarlanıb. Həkim əməliyyatla bağlı suala isə belə cavab verib: “Yapışmış uşaqları bəzi hallarda ayırmaq mümkün olsa da, bu halda o mümkünsüz görünürdü. Hər orqandan iki dənə idi, lakin eyni bədəndə. Bundan başqa uşağın yalnız bir cüt qolu və ayağı var idi”
İki başlı uşağın həkimlər tərəfindən xəstəxanada qalması vacib bilinsə də, anası və atası uşağı evlərinə aparıb. Bəxtsiz körpə 32 saatdan sonra gözlərini işıqlı dünyaya yumub.
Mələk
