Avropada Norveçdən İspanyanın şimalına doğru uçan Rusiya hərbi təyyarələri aşkarlanıb. Lent.az Türkiyə mediasına istinadən xəbər verir ki, 4 Avropa ölkəsinin hərbi hava qüvvələri birgə Rusiya bombardmanlarını geri qaytarmağa məcbur edib.
Bildirilir ki, hadisə sentyabrın 22-də baş verib. Rusiyaya məxsus “TU-160 Blackjack” tipli bombardmanlar xəbərdarlıqlara baxmayaraq uçuşa davam edib. Dərhal Norveç, İngiltərə, Fransa və İspaniyadan hərbi təyyarələr səmaya qalxıb və rus bombardmanları əhatəyə alınıb. Nəhayət həmin təyyarələri geri qaytarmaq mümkün olub və NATO ölkələrinə məxsus hərbi təyyarələr Şotlandiya sahillərinədək rus bombardmanları müşayət edib.
Fransanın Müdafiə Nazirliyi olayı təsdiqləyib.
