Ukrayna millisinin sabiq üzvü Aleksandr Əliyev klubsuz qalıb.
Milli.Az qol.az-a istinadən xəbər verir ki, əslən azərbaycanlı yarımmüdafiəçi "Taraz"dan ayrılıb.
Bu haqda Qazaxıstan təmsilçisinin idman direktoru Kanat Şertayev açıqlama verib: "Biz qarşılıqlı razılıq əsasında müqaviləni pozduq. Futbolçunun ailəsində problem var. Buna görə də o, Qazaxıstanı tərk etməli oldu".
Xatırladaq ki, Aleksandr Əliyev "Taraz"la bu ilin iyulunda müqavilə imzalamışdı. Bu klubda Əliyev meydana çıxdığı 13 görüşdə 1 qol vurub.
Milli.Az
