Şotlandiya Futbol Federasiyası “Qlazqo Reyncers” klubunun futbolçusu Coe Bartona qarşı ittiham irəli sürüb. Fanat.Az xəbər verir ki, 34 yaşlı yarımmüdafiəçi 1 iyul – 15 sentyabr tarixləri aralığında 44 matça pul qoyuluşu etməkdə şübhəli bilinir.
Şotlandiya qanunlarına görə, klub rəsmilərinin, oyunçularının və baş məşqçilərinin totalizatorlara pul qoyuluşu etməsi qadağandı.
İngilis futbolçu oktyabrın 12-nə qədər özünü müdafiə etməlidir. Onun taleyi haqqında son qərar isə həmin ayın 27-də veriləcək.
Qeyd edək ki, Barton karyerası ərzində “Mançester Siti”, “Nyukasl”, “Marsel” kimi klublarda çıxış edib.
Fanat.Az