Moskva məşhur üsyançının kəlləsini Astanaya qaytardı

Moskva məşhur üsyançının kəlləsini Astanaya qaytardı
14:53 6 Oktyabr 2016
31 Digər
Ölkə mətbuatı
A- A+

Moskva 1916-cı ildə baş vermiş Turqay üsyanının lideri - Keyki-Batır kimi məşhur olan Nurmaqambet Kokembayulının kəlləsini Astanaya verib.

Publika.az “İnterfaks” agentliyinə istinadən xəbər verir ki, bu haqda Qazaxıstan Mədəniyyət və İdman Nazirliyindən bildirilib.

“Hazırda Keyki-Batırın kəlləsi onun qalıqlarının vətənə qaytarılması ilə məşğul olan qrupun mütəxəssisindədir”, - idarədən deyilib.

Keyki-Batırın qalıqlarlarının Qazaxıstana gətirilməsinə avqust ayında təşəbbüs edilmişdi, Qazaxıstan hakimiyyəti bununla bağlı Rusiyanın baş naziri Dmitri Medvedevə müraciət etmişdi.

Mərkəzi Asiya xalqlarının Turqay üsyanı I Dünya Müharibəsi zamanı baş verib. Əhali müdafiə obyektlərinin tikintisinə cəlb olunmasına qarşı ayağa qalxıb. Üsyan amansızlıqla yatırılmışdı.

Nurmaqambet Kokembayulı Qazaxıstan milli-azadlıq hərəkətinin liderlərindən biridir. O, 1917-ci il inqilabından sonra həm Qızıl Ordunun əsgərləri, həm də ağqvardiyaçılara qarşı vuruşurdu. Nurmaqambet Kokembayulı 1923-cü ilin aprelində Qızıl Ordunun əsgərləri tərəfindən öldürülüb. Keyki-Batırın başını kəsən Qızıl Ordunun əsgərləri onu Orenburqa aparıblar. Daha sonra onun kəlləsi Rusiya Elmlər Akademiyasının Böyük Pyotr adına antropologiya və etnoqrafiya Muzeyinə göndərilib.

Ömər Dağlı

RƏYLƏR

BU KATEQORİYADAN DİGƏR XƏBƏRLƏR