ARB TV-nin "Gəlin danışaq" verilişinin növbəti qonağı əməkdar artist Ədalət Şükürov olub.
Axşam.az-ın məlumatına görə, müğənni rəqs bacarığından bəhs edib:
""Salsa" ilə 10 ilə yaxındır ki, məşğulam. Sankt-Peterburqda məktəbini bitirmişəm. 15 ildir fasilə vermişəm. Bizim rəqslər də çox çətindir".
Ə.Şükürov dostu olan meyxanaçı Vüqar Abdulovla bağlı maraqlı xatirəsini bölüşüb:
"Vasif Məhərrəmli və Vüqar Abdulov ilə Kubada olanda klip çəkdik. O klipi çəkəndə orada kubalılarla rəqs edirdim. Daha sonra Vüqar da bizim milli rəqsləri onlara öyrətdi".
Daha sonra Ə.Şükürov aparıcıya "salsa" oynamağı öyrədib.