“Seçkidən sonra mən şəxsi hesabıma məzuniyyət götürəcəm
və vətənimə gedərək proseslərdə yaxından iştirak edəcəm”.
Publika.az xəbər verir ki, bu barədə hazırda Odessanın
qubernatoru olan Gürcüstanın sabiq prezidenti Mixail Saakaşvili
deyib.
Lakin o, Ukraynanı tərk etmək niyyətində olmadığını da qeyd
edib.
“Mən turist deyiləm. Burada döyüş səhnəsini tərk etmək fikrində
deyiləm. Sadəcə olaraq, seçkidən sonra Gürcüstana baş çəkmək fikrim
var”, - deyə o, bildirib.
Saakaşvili Gürcüstanda ona heç kimin toxunmayacağını hesab edir:
“Çünki bütün polis, silahlı qüvvələr bizim tərəfimizdədir, yəni
dövlətçiliyin və qanuniliyin tərəfindədirlər”.
Qeyd edək ki, bu gün Gürcüstanda parlament seçkiləri keçirilir.
Asif
