"Sent-Etyen"in baş məşqçisi "Qəbələ" ilə oyunlardan danışıb

"Sent-Etyen"in baş məşqçisi "Qəbələ" ilə oyunlardan danışıb
17:42 8 Oktyabr 2016
97 İdman
Ölkə mətbuatı
A- A+

Bakı. 8 oktyabr. REPORT.AZ/ Fransanın "Sent-Etyen" klubunun baş məşqçisi Kristof Qaltye Avropa Liqasının qrup mərhələsində "Qəbələ" ilə keçirəcəkləri ardıcıl 2 oyun barədə danışıb.
"Report"un məlumatına görə, 50 yaşlı mütəxəssis UEFA-nın rəsmi saytına açıqlamasında bu görüşlərin həlledici əhəmiyyət kəsb edəcəyini bildirib. Onun fikrincə, "Qəbələ" çətin rəqibdir: "Düzdür, rəqibimiz hələ xal qazanmayıb. Amma özünəməxsus oyun keyfiyyətinə malikdirlər. "Qəbələ"yə ciddi yanaşmaq lazımdır. İstərdik ki, maksimum sayda xal götürək. Ötən mövsüm "Dnepr"lə matçlardakı kimi bunu bacarsaq, 1/6 final mərhələsinə doğru böyük addım atacağıq".
Qaltye cəzalı və zədəli futbolçular üzündən öz oyunlarını sərgiləməkdə çətinlik çəkdiklərini də etiraf edib. Amma o, kollektivin gücü və ruhu sayəsində daha effektli olacaqlarını vurğulayıb.
Qeyd edək ki, "Sent Etyen" oktyabrın 20-də qəbul edəcəyi "Qəbələ"yə noyabrın 3-də qonaq olacaq. Ötən mövsüm Fransa təmsilçisi Avroliqanın qrup mərhələsində Ukrayna "Dnepr"inə ardıcıl iki oyunda - səfərdə 1:0, evdə 3:0 hesabı ilə qalib gəlib və qrup ikincisi kimi 1/16 finala yüksəlib. Bu mövsüm "Sent-Etyen" həm Almaniya "Maynts"ı, həm də Belçika "Anderlext"i ilə görüşlərdən heç-heçə ilə ayrılıb - 1:1. "Qəbələ" isə "Anderlext"ə 1:3, "Mayts"a 2:3 hesabı ilə uduzub.  

Xəbərin orijinal ünvanı: http://report.az/futbol/sent-etyen-in-bas-mesqcisi-qebele-ile-oyunlardan-danisib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR