Çempiondan uğursuz çıxış: 4 oyunda 3 məğlubiyyət

Çempiondan uğursuz çıxış: 4 oyunda 3 məğlubiyyət
20:52 9 Oktyabr 2016
38 İdman
Ölkə mətbuatı
A- A+

Bursada yerli bələdiyyənin təşkilatçılığı ilə keçirilən qadın voleybolçular arasında Cengiz Göllü turnirində çıxış edən "Azərreyl" yarışı uğursuzluqla başa vurub.

Milli.Az apasport.az-a istinadən xəbər verir ki, "dəmiryolçular" sonuncu matçda da qələbəyə həsrət qalıblar.
 
Turnir boyunca "Bursa Böyükşəhər Bələdiyyəspor"la "Maritza"ya məğlub olub, "Proton"a qalib gələn ölkə çempionumuz sonuncu oyunda da uduzub.
 
"Dəmiryolçular" "Olimpiakos"la görüşdən boynubükük ayrılıb. Təmsilçimiz rəqibinə ciddi müqavimət göstərsə də, yekunda 2:3 hesablı məğlubiyyətə üzülüb.
 
Maraqlıdı ki, matç məhz "Azərreyl"in üstünlüyü ilə başlayıb. İlk iki setdə qəlbə qazanan çempion sonradan ardıcıl üç dəfə məyus olub - 25:21, 25:23, 21:25, 23:25, 6:15.

Milli.Az

RƏYLƏR

BU KATEQORİYADAN DİGƏR XƏBƏRLƏR