Bakı. 10 oktyabr. REPORT.AZ/ "Fransa prezidenti Fransua Olland rusiyalı həmkarı Vladimir Putinlə görüşüb-görüşməyəcəyi barədə qərarı Hələb və Suriyadakı vəziyyəti nəzərə alaraq qəbul edəcək".
"Report" RİA "Novosti"yə istinadən xəbər verir ki, bunu Fransa xarici işlər naziri Jan-Mark Eyro deyib.
"Fransa prezidenti rusiyalı həmkarı ilə görüşmək qərarına gələrsə, bu, lütfkarlıq xətrinə yox, həqiqətləri söyləmək üçün olacaq", - deyə XİN başçısı bildirib.
Qeyd edək ki, daha əvvəl Fransa prezidenti Rusiya dövlət başçısının oktyabrın 19-da Parisə səfəri zamanı onunla görüşmək üçün vaxt tapa biləcəyinə əmin olmadığını söyləyib.