Mağazadakı lampalar alıcıları tanıyacaq

Mağazadakı lampalar alıcıları tanıyacaq
08:17 11 Oktyabr 2016
Ölkə mətbuatı
A- A+

"Bridgelux" və "Xenio Systems" şirkətləri özlərinin müştərək tərtibatını - alıcıları tanıya bilən "ağıllı" lampaları ictimaiyyətə təqdim ediblər.

Milli.Az lent.az-a istinadən xəbər verir ki, cihaz mağazanın ziyarətçilərinin smartfonuna reklam göndərəcək. 

Layihə müəllifləri qeyd ediblər ki, onların cihazları artıq tez bir zamanda bir sıra ölkələrin ərazilərində satışa çıxarılacaq. Bu lampalarla ticarət mərkəzləri, mehmanxanalar, stadionlar, mağazalar, kinoteatrlar və digər ictimai yerlər təchiz olunacaq.

"Bluetooth" sistemi ilə təchiz olunmuş cihazlar "iBeacon" texnologiyasının bazasında yaradılıb. Onlar yaxınlıqdan keçən insanı "görür" və onların smartfonuna müxtəlif reklamlar, həmçinin təklif olunan xidmət və məhsullar barədə məlumatlar göndərirlər. 

Yeniliyin qiyməti və satışa çıxarılacağı dəqiq vaxt hələlik məlum deyil. Bu lampaların hansı ölkələrə gedəcəyi barədə də hələlik xəbər verilmir.

Milli.Az


Xəbərin orijinal ünvanı: http://news.milli.az/hitech/477995.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR