Çaylarda daşqın təhlükəsi var?

Çaylarda daşqın təhlükəsi var?
09:37 11 Oktyabr 2016
37 Ölkə
Ölkə mətbuatı
A- A+

Respublikanın çay və transsərhəd çaylarında mövcud vəziyyət açıqlanıb.

Milli.Az bildirir ki, Ekologiya və Təbii Sərvətlər Nazirliyinin Milli Hidrometeorologiya Departamentindən Trend-ə verilən məlumata görə, hazırda Böyük Qafqazın Quba-Xaçmaz bölgəsi çaylarında sululuq ongünlük normanın 130-140, Kiçik Qafqazın çaylarında 100-110, Lənkəran-Astara bölgəsi çaylarında isə 10-20 faizini təşkil edir.

Tranzit çaylarda hazırki vəziyyətə gəlincə, oktyabrın 10-da Kür çayının Qıraqkəsəmən məntəqəsində suyun səviyyəsində 7 sm artım müşahidə olunub. Hazırda məntəqədə su sərfi 153 m3/s olmaqla ongünlük normanın 94 faizini təşkil edir. 2015-ci ildə isə bu rəqəm 121 m3/s olmaqla ongünlük normanın 75 faizini təşkil edib.

Qanıx çayının Əyriçay məntəqəsində suyun səviyyəsində 3 sm azalma müşahidə olunub. Hazırda məntəqədə su sərfi 48 m3/s olmaqla, ongünlük normanın 50 faizini təşkil edir. 2015-ci ildə isə bu göstərici 32 m3/s təşkil edərək ongünlük normanın 33 faizinə bərabər olub.

Kür çayının aşağı axınında hazırki vəziyyətə gəlincə isə oktyabrın 10-da Kür çayının aşağı axınında suyun səviyyəsində azalma müşahidə olunub. Belə ki, Kür çayının Surra məntəqəsində 5, Salyanda 10, Bankədə 2, Araz çayının Novruzlu məntəqəsində 8 sm azalma qeydə alınıb.

Hazırda Surra məntəqəsində suyun səviyyəsi 406 sm (2015-ci il oktyabrın 10-da 445 sm), Salyanda 255 sm (2015-ci il oktyabrın 10-da 262 sm), Bankədə 213 sm (2015-ci il oktyabrın 10-da 212 sm), Araz çayının Novruzlu məntəqəsində isə 130 sm (2015-ci il oktyabrın 10-da 160 sm) təşkil edir.

Milli.Az


Xəbərin orijinal ünvanı: http://news.milli.az/country/478187.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR