PKK terror təşkilatı Türkiyədə mülki vətəndaşları,
təhlükəsizlik qüvvələrinin əməkdaşları və polislərlə yanaşı, onlara
qarşı çıxan siyasətçilərə də sui-qəsd planı hazırlayıb.
Publika.az xəbər verir ki, terror təşkilatının liderləri
onlar kimi düşünməyənləri hədəf almaq əmri verib.
İndiyə qədər bir sıra siyasətçilər qətlə yetirilib. Ötən il AKP-nin
Beytüşşebap mahalının gənclik təşkilatının rəhbəri Naci Adıyaman və
AKP-nin Hakkaridən millət vəkilliyinə bir nömrəli namizədi olan
Ahmet Budakın öldürülüb.
Dünən Van vilayəti Özalp mahalında AKP-nin şöbə müdirinin müavini
Aydın Muştu övladlarının gözü önündə öldürülüb. Dünən axşam
saatlarında isə Diyarbəkirdə AKP-nin mahal şöbəsinin müdiri Deryan
Aktert iş yerində PKK-çılar tərəfindən qətlə yetirilib.
Məlumatlara görə, PKK öldürməyi planlaşdırdığı siyasətçilərin
siyahısını hazırlayıb.
Asif