Dolu, yağış gözlənilir - XƏBƏRDARLIQ

Dolu, yağış gözlənilir - XƏBƏRDARLIQ
12:39 11 Oktyabr 2016
58 Digər
Ölkə mətbuatı
A- A+

 

Oktyabrın 12-13-də ölkə ərazisində hava şəraitinin qeyri-sabit keçəcəyi, şimşək çaxacağı, arabir yağış yağacağı gözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentindən Lent.az-a verilən məlumata görə, bəzi yerlərdə yağışın intensiv olacağı, çaylarda sululuğun artacağı, dağlıq ərazilərdə dolu düşəcəyi ehtimalı var.

 

Sabah Bakıda və Abşeron yarımadasında isə arabir yağış yağacağı gözlənilir. Mülayim şimal-şərq küləyi əsəcək.

Havanın temperaturu gecə 14-17, gündüz 18-22, Bakıda gecə 15-17, gündüz 18-20° isti olacağı gözlənilir.

 

Sabah Azərbaycanın rayonlarında şimşək çaxacaq, arabir yağış yağacaq. Bəzi yerlərdə intensiv olacağı ehtimalı var. Şərq küləyi arabir güclənəcək. Havanın temperaturu gecə 11-16, gündüz 18-23, dağlarda gecə 4-9, gündüz 11-16° isti olacaq. 

 

Tibbi-meteoroloji proqnoza gəlincə isə, oktyabrın 12-13-də Abşeron yarımadasında meteoroloji amillərin zəif və mülayim tərəddüdü əsasən əlverişli olsa da, havada rütubətin normadan çox olması bəzi meteohəssas insanlarda narahatlıq hissi yarada bilər. 

RƏYLƏR

BU KATEQORİYADAN DİGƏR XƏBƏRLƏR