Ordumuza 60 milyon manat

Ordumuza 60 milyon manat
14:36 5 Yanvar 2015
135 Ölkə
Ölkə mətbuatı
A- A+

Azərbaycan Respublikasının Silahlı Qüvvələrinə Yardım Fonduna yanvar ayının 1-dək yığılan vəsaitin həcmi açıqlanıb.

ANS PRESS-in Müdafiə Nazirliyinə istinadla verdiyi məlumata görə, yanvar ayının 1-dək 60 milyon 603 min 102 manat, 211 min 791 ABŞ dolları və 593 avro vəsait yığılıb.

Xatırladaq ki, dekabr ayının 1-dək bu vəsait 59 milyon 196 min 80 manat, 211 min 791 ABŞ dolları və 593 avro təşkil edib.

Qeyd edək ki, Silahlı Qüvvələrə Yardım Fondu Azərbaycan Respublikası Prezidentinin 2002-ci il 17 avqust tarixli Fərmanı ilə yaradılıb. Fondun maliyyə mənbəyi Azərbaycan Respublikası Silahlı Qüvvələrinin maddi-texniki və sosial bazasının möhkəmləndirilməsinə maliyyə köməyi məqsədi ilə Azərbaycanın ərazisində fəaliyyət göstərən hüquqi və fiziki şəxslərdən könüllülük əsasında daxil olan maliyyə vəsaiti və qanunvericiliklə qadağan olunmamış digər daxilolmalardır.

RƏYLƏR

BU KATEQORİYADAN DİGƏR XƏBƏRLƏR