Türkiyə prezidenti Rəcəb Tayyib Ərdoğan Mosul əməliyyatı ilə bağlı son sözü söyləyib.
Publika.az Türkiyə mediasına istinadən xəbər verir ki, İstanbulda keçirilən 9-cu Avrasiya İslam Şurasının açılışında çıxış edən Ərdoğan əməliyyata qatılacaqlarını bildirib.
Türkiyə prezidenti qeyd edib ki, Suriya və İraqda lazım olan addımları atmaq ən çox Türkiyənin işidir: “Bunun üçün də bəzilərindən icazə almağa ehtiyac yoxdur”.
Ərdoğan türk əsgərlərinin İraqdan çıxmasını tələb edən İraqın baş naziri Haydar əl-İbadiyə cavab verib: “Sən mənim həmsöhbətim deyilsən, mənim səviyyəmdə deyilsən. Sənin İraqda qışqırmağın bizim üçün heç də əhəmiyyətli deyil. Biz bildiyimizi edəcəyik”.
Türkiyə prezident bildirib ki, ölkəsinin İraqda baş verənləri kənardan müşahidə etməsi mümkün deyil.
Ömər Dağlı
