Bakı. 12 oktyabr. REPORT.AZ/ Hindistanın Cammu və Kaşmir ştatlarının dövlət institutunda barrikada qurmuş silahlı qrup zərərsizləşdirilib.
"Report" xəbər verir ki, bu barədə "Tİmes of India" polisə istinadən məlumat yayıb.
Məlumata görə, cinayətkarlar yerli vaxtla saat 06:30-da zərərsizləşdiriliblər. Onlar bu əraziyə Cela çayı vasitəsilə gəliblər.
Yeddi mərtəbəli binaya daxil olmuş silahlılar polisin diqqətini cəlb etmək üçün burada yanğın törədiblər. Asayiş keşikçilərinin silahlılarla atışması zamanı 1 polis əməkdaşı yaralanıb.
Atışma zamanı həmçinin 1 cinayətkar öldürülüb.
