Kamran Ağayev: Rekorddan 75 dəqiqə uzaqda

Kamran Ağayev: Rekorddan 75 dəqiqə uzaqda
08:47 12 Oktyabr 2016
127 İdman
Ölkə mətbuatı
A- A+

Azərbaycan milli komandası DÇ-2018-in seçmə mərhələsinin ardıcıl 3-cü oyununda da qol buraxmayıb. Milli.Az apasport.az-a istinadən xəbər verir ki, San-Marino və Norveçi 1:0 hesabı ilə məğlub edən komandamız Çexiya səfərindən qolsuz heç-heçəylə dönüb.

Millimiz ardıcıl 3 quru oyun keçirməklə, özünün seçmə mərhələlərdəki rekordunu təkrarlayıb. İndiyədək yalnız bir dəfə qapıçımız ardıcıl 3 dəfə qol buraxmamışdı.
 
Bu, AÇ-2016-nın ötən il keçirilən Malta (2:0), Norveç (0:0) və Xorvatiya (0:0) ilə görüşlərdə gerçəkləşmişdi. Yığmamız həmin göstəricini təkrarlasa da, mütləq rekord hələ ötən ilki seriyaya məxsusdu. Həmin vaxt yığmamız Norveç (0:1) və Malta (2:2) ilə qarşılaşmalarda buraxdığı iki qol arasında 378 quru dəqiqə keçirmişdi. Bu dəfə isə Kamran Ağayevin seriyası 304 dəqiqədən ibarətdi. O, seçmə mərhələdə son qolu ötən tsiklin Bolqarıstanla səfər matçının 56-cı dəqiqəsində buraxıb. Həmin görüşün 34 dəqiqəsinə daha 3 matç, yəni 270 dəqiqə əlavə edən qolkiper rekordun 75 dəqiqəliyindədi.
 
Belfastda Şimali İrlandiya ilə matçda 75 dəqiqə qol buraxmayacağı halda, komandamız tarixə özünün yeni rekordu ilə düşəcək.

Milli.Az

RƏYLƏR

BU KATEQORİYADAN DİGƏR XƏBƏRLƏR