18 ton Azərbaycan alması Dağıstana buraxılmayıb

18 ton Azərbaycan alması Dağıstana buraxılmayıb
12:27 12 Oktyabr 2016
Ölkə mətbuatı
A- A+

Bakı. 12 oktyabr. REPORT.AZ/ Azərbaycandan Dağıstan Respublikasına (Rusiya) 18 ton təzə almanın ixracının qarşısı alınıb. Məhsulun tədarükünə Rusiya-Azərbaycan sərhədində, "Yaraq-Qazmalar” beynəlxalq avtomobil buraxılış məntəqəsində Rusiya fitosanitariya və baytarlığa nəzarət Xidmətinin (Rosselxoznadzor) Dağıstan üzrə İdarəsinin müfəttişləri qadağa qoyub.
"Report" xəbər verir ki, bu barədə "Rosselxoznadzor" məlumat yayıb.
Məhsulun geri qaytarılmasına Ümumrusiya Bitkilərin Karantin Mərkəzinin Dağıstan filialının almalarda karantin zərərvericisi hesab edilən şərq alma qurdunun (Grapholitha molesta Busck) tapılmasına dair rəyi səbəb olub.
"Bununla da yük sahibi “Bitkilərin karantini haqqında” qanunun 15-ci maddəsini pozub və RF İnzibati Xətalar Məcəlləsi üzrə inzibati məsuliyyətə cəlb olunub", - deyə qurumdan bildirilib. 

RƏYLƏR

BU KATEQORİYADAN DİGƏR XƏBƏRLƏR