Löv: "Azərbaycanla görüş qrupun top-oyunu olacaq"

Löv: "Azərbaycanla görüş qrupun top-oyunu olacaq"
15:37 12 Oktyabr 2016
61 İdman
Ölkə mətbuatı
A- A+

Seçmə mərhələ start götürəndə hədəfimiz qrupu birinci pillədə başa vurmaq idi. İddiamızı sona qədər davam etdirəcəyik.

Milli.Az apasport.az-a istinadən bildirir ki, bunu Almaniya yığmasının baş məşqçisi Yoahim Löv deyib.

DÇ-2018-in seçmə mərhələsinə ardıcıl qələbələrlə başlayan Bundestim ilk 3 turdan sonra 9 xalla C qrupuna başçılıq edir. Almanların ən yaxın izləyicisi isə aktivində 7 xal olan Azərbaycan millisidi.
 
Löv Şimali İrlandiya ilə (2:0) dünənki qarşılaşmadan sonra keçirilən mətbuat konfransında millimizin çıxışına da münasibət bildirib.
 
56 yaşlı mütəxəssis Robert Prosineçkinin komandasından çəkindiklərini etiraf edib: "Məqsədimiz bəllidi və buna nail olmaq üçün sona qədər mübarizəmizi davam etdirəcək, bir an olsun arxayınlaşmayacağıq. Bunun üçün də stabilliyi qorumaq vacibdi. Üzərimizdə daim işləyir, inkişaf etməyə çalışırıq. Hazırda Azərbaycan yığması turnir cədvəlində bizim ən yaxın izləyicimizdi. Gələn ilin mart ayında da onlarla qarşılaşacağıq. Əminliklə deyə bilərəm ki, Bakıdakı görüş qrupun top-oyunu olacaq".
 
Qeyd edək ki, Azərbaycan - Almaniya matçı V tur çərçivəsində martın 26-da keçiriləcək.

Milli.Az


Xəbərin orijinal ünvanı: http://news.milli.az/sport/478718.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR